Walang Pamagat #02

Mula sa Malayo

At kung hindi mo man ako payagang mahalin ka

Mamahalin pa rin kita nang palihim

Hindi ko hahangaring mapasakin ka

Ang kailangan ko lang ay mahalin ka

Gusto kitang mahalin nang buo

Kahit hindi mo suklian ito

Gusto kong maghintay sayo

Kahit walang bagay na sigurado

Ang gusto ko lamang ay mahalin ka

Dahil kailangan kong mahalin ka

Kailangan kong ipagsigawan sa mundo ang nararamdaman ko

Dahil kung itatago ko lamang

Natatakot akong sumabog ito

Natatakot akong mamatay

Sa lason ng pag-ibig ko sayo

Pero kung ito man ang kinakailangan

Hindi ko ito pipigilan

Dahil pipiliin kong masaktan

Maski mamatay man

Basta malaman mong minahal kita

Nang higit kanino man.

-Fin